Article by : Admin on 12-06-2021

மினி ஸ்டுடியோ நிறுவனம் சார்பில் S.வினோத் குமார் தயாரித்துள்ள படம் “வெள்ளை யானை”. நடிகர் தணுஷ் நடித்த சூப்பர் ஹிட் திரைப்படம் திருடா திருடி, பொறி, யோகி மற்றும் சீடன் படங்களை இயக்கிய சுப்ரமனியம் சிவா “வெள்ளை யானை” திரைப்படத்தில் இயக்கியுள்ளார். சந்தோஷ் நாராயணன் இசையமைத்துள்ளார். விஷ்ணுரங்கசாமி ஒளிப்பதிவு செய்துள்ளார். A.L.ரமேஷ் படத்தை தொகுத்துள்ளார். இந்த படத்தில் சமுத்திரகனி, மனங்கொத்திபறவை பட நாயகி ஆத்மியா ராஜன், யோகி பாபு, சரண்யா ரவி, E.ராம்தாஸ், S.S.ஸ்டேன்லி மற்றும் பலர் நடித்துள்ளனர்.

இந்த படம் முழுவது வெளியீட்டிற்கு தயாராகி கொராணா ஊரடங்கு காரணமாக வெளியிடமுடியாமல் நீண்ட நாட்களாக காத்திருக்கின்றது. இந்த சூழலில் சொந்தமாக ஓடிடி தளத்தை கொண்ட முன்னனி தொலைக்காட்சி நிறுவணம் நேரடியாக தொலைக்காட்சியிலும் தன் ஒடிடி தளத்திலும் ஒளிபரப்ப திட்டமிடப்பட்டுள்ளது. நாங்க ரொம்ப பிஸி, குட்டி புலி, மண்டேலா, சர்பத் படங்கள் ஏற்கனவே நேரடியாக தொலைகாட்சியில் ஒளிபரப்பப்பட்டுள்ளது. இதை முதலில் தன் ஓடிடி தளத்திலும் பின் தொலைகாட்சியிலும் ஒளிப்பரப்பு செய்யவும் வாய்ப்புள்ளது. ஏற்கனவே இந்த அடிப்படையில் டெடி, வணக்கம்டா மாப்பிள்ளை, பூமி, மூக்குத்தி அம்மன் போன்ற படங்கள் ஒளிபரப்பப்பட்டுள்ளது.

வேளாண்மை மற்றும் விவசாயிகள் பிரச்சனைகளை அடிப்படையாக கொண்டு ஏராளமான படங்கள் வெளியாகிக்கொண்டிருக்கும் சூழலில் அதே கதை களத்தை அடிப்படையாக கொண்டிருக்கும் திரைப்படம் தான் “வெள்ளை யானை”. இதுவரை வெளிவந்த படங்களில் இருந்து எப்படி இந்த படம் மாறுபட்டிருக்கும் என்ற எதிர்பார்ப்பு இருக்கின்றது.