Article by : Admin on 25-08-2021

ஜெ.ஜெயலலிதா வாழ்கை வரலாற்றை அடிப்படையாக கொண்ட திரைப்படமாக தலைவி படம் உருவாகியுள்ளது.

விப்ரி மோஷன் பிக்ஸர்ஸ், கர்மா மீடியா அண்டு எண்டர்டெய்ன்மெண்ட் மற்றும் ஜீ ஸ்டுடியோ சார்பில் விஷ்ணுவர்த்தன் இந்தூரி மற்றும் ஷைலேஷ் R சிங்க் இணைந்து தயாரிக்க AL விஜய் இயக்கியுள்ள படம் தலைவி.  மதன் கார்கி வசனம் எழுதியுள்ளார்., G.V.பிரகாஷ் குமார் இசையமைத்துள்ளார். விஷால் விட்டல்  ஒளிப்பதிவு செய்துள்ளார். ஆண்டனி மற்றும் பல்லு ஷலுஜா  படத்தை தொகுத்துள்ளனர்.

தலைவி படத்தில் ஜெ.ஜெயலலிதா கதாப்பாத்திரத்தில் கங்கனா ரனாவத்தும், எம்.ஜி.ராமசந்திரன் கதாப்பாத்திரத்தில் அர்விந்த் சாமியும் நடித்துள்ளனர். அதே போல் ஃப்ளோரா ஜோசப் இந்திரா காந்தி கதாப்பாத்திரத்தில் நடித்துள்ளார். இந்த கதாபாத்திரத்தேர்வுகள் நிஜத்தை கண்முன்னே கொண்டுவரும் அடிப்படையில் உருவாகியுள்ளது. அதற்கான ஒப்பீடு அடிப்படையிலான புகைப்படங்களை பார்த்தாலே படக்குழுவினர், நடிகர் மற்றும் நடிகையர் உழைப்பின் மகத்துவத்தை உணர முடியும்.

காவல்காரன் படத்தில் வரும் நினைத்தேன் வந்தாய் நூறுவயது பாடலையொற்றிய அடிப்படையிலான தலைவி பட ஒப்பனைகள்

ரகசிய போலிஸ் 115 வரும் கட்சிகளில் ஜெ.ஜெயலலிதா மற்றும் எம்.ஜி.ராமசந்திரன் காட்சிகளை அடிப்படையாக கொண்ட தலைவி பட ஒப்பனைகள்

ஜெ.ஜெயலலிதா கதாநாயகியக அறிமுகமான முதல் படம் வெண்ணிற ஆடை இந்த படத்தில் அவரின் நடிப்பை பாராட்டாதவர்களே இருக்கமாட்டார்கள். அப்படிப்பட்ட படத்தை அடியொற்றி கதாப்பாத்திரப்படைப்பு இல்லாமல் போனால் எப்படி? “நீ என்பதென்ன” என்ற பாடலில் ஜெ.ஜெயலலிதாவின் நடிப்பை அப்படி நகலெடுத்து நடித்துள்ளார் ககங்கனா ரனாவத்

எம்.ஜி.ராமசந்திரன் நடித்த புதியபூமி திரைப்படம் அந்த காலகட்டத்தில் மிகப்பெரிய வெற்றிப்படம். அந்த படத்தின் காட்சிகள் அடிப்படையை மனதில் வைத்து உருவாக்கப்பட்ட தலைவி பட காட்சிகளில் அர்விந்த் சாமி கச்சிதமாக பொருந்தியிருக்கின்றார்.

அரசியலில் எம்.ஜி.ராமசந்திரன் மற்றும் இந்திரா காந்தி இருவருக்கும் இருந்த அரசியல் நெருக்கம் அனைவரும் அறிந்ததே. ஜெ.ஜெயலலிதா  அதிமுக கட்சி 1983 ல் முதன் முதலில் அரசியலில் கொள்கைபரப்பு செயலாளராக கட்சி பொதுச்செயலாளர் எம்.ஜி.ஆர் அவர்களால் பதவி வழங்கப்பட்டது. 1984 முதல் 1989 வரை ராஜ்யசபா உறுப்பினராக அதிமுக சார்பில் தேர்ந்தெடுக்கப்பட்டார். அந்த காலகட்டத்தில் பிரதமராக இருந்தவர் இந்திராகாந்தி. எம்.ஜி.ஆர் மற்றும் இந்திராகாந்தியின் கைகோர்த்த அரசியல் பயணத்தில் ஜெ.ஜெயலலிதாவும் உடனிருந்தார். தலைவி படத்தில் அந்த கதாபாத்திரப்படைப்பும் முக்கியத்துவம் பெற்ற ஒன்றாகும்.

தலைவி படத்தில் ஜெ.ஜெயலலிதா தோற்றத்தில் கங்கனா ரனாவத்

தலைவி படத்தில் எம்.ஜி.ராமசந்திரன் (MGR) தோற்றத்தில் அர்விந்த் சாமி

தலைவி படத்தில் இடம் பெறும் மழை மழை பாடல் ஒப்பனை ஜெ.ஜெயலலிதாவின் வெண்ணிறஆடை படத்தின் அம்மம்மா காற்று பாடலையொற்றி உருவாக்கப்பட்டுள்ளது.

ஜெ.ஜெயலலிதா-படம்:வெண்ணிற ஆடை, பாடல்: அம்மம்மா காற்று..

கங்கனா ரனாவத்-படம்: தலைவி, பாடல்: மழை மழை..

10.09.2021 முதல் திரையரங்குகளில் தலைவி படம் திரையிடப்படுகின்றது